Një ngjarje kriminale ka ndodhur pasditen e sotme në zonën e Fllakës, në periferi të Durrësit.
I plagosur me armë zjarri ka mbetur Arbër Gorgea, 36 vjeç, i cili ndodhet aktualisht në Spitalin e Durrësit, duke marrë ndihmë mjekësore.
Forcat e policisë janë në vendngjarje dhe po punojnë intensivisht për zbardhjen e plotë të rrethanave që çuan në këtë sulm. Ende nuk ka informacione për autorin ose motivet e ngjarjes.
DVP Durrës/Informacion paraprak
Rreth orës 20:00, në zonën e Fllakës, dyshohet se për motive të dobëta është plagosur me armë zjarri shtetasi A. G., 36 vjeç, banues në Durrës, aktualisht jashtë rrezikut për jetën.
Shërbimet e Policisë dhe Grupi hetimor ndodhen në vendngjarje dhe vijojnë kontrollet dhe hetimet për identifikimin dhe kapjen e autorit, sqarimin dhe dokumentimin ligjor të rrethanave të ngjarjes.