Këngëtarja e njohur shqiptare, Tuna, përjetoi një moment të papritur gjatë një performance të fundit, kur u rrëzua sapo hyri në skenë.
Duket se këngëtares i ngeci këmba ose u pengua, duke humbur ekuilibrin dhe duke përfunduar për pak sekonda në tokë. Megjithatë, Tuna u ngrit menjëherë, pa pësuar lëndime, dhe vazhdoi performancën sikur të mos kishte ndodhur asgjë.
Publiku reagoi me duartrokitje të zjarrtë, duke vlerësuar profesionalizmin dhe përkushtimin e saj ndaj artit. Ky moment u bë shpejt viral në rrjetet sociale, ku fansat e përgëzuan për mënyrën e shkëlqyer se si përballoi situatën.