GREQI– Moti i keq ka përfshirë Greqinë lu sipas mediave vendase bëhet me dije se shira të rrëmbyeshëm kanë sjellë përmbytje dhe shkatërrime në të gjithë vendin.
Rrëshqitje toke janë regjistruar në Lakoni, përmbytje në Zakinthos, mesazhe alarmi në Mani, Pieria dhe Evrota, deri edhe stuhi të forta në Atikë.
Bëhet fjalë për stuhinë “Byron” që po godet vendin prej disa orësh dhe situata përkeqësohet me kalimin e orëve. Në nëntë rajone të vendit, përfshirë Atikën, alarmi shtetëror është në gatishmëri të lartë.
Në Zakynthos, reshjet e dendura të shiut rezultuan në përmbytje të rrugëve dhe fushave. Autoritetet po u bëjnë thirrje qytetarëve të mos udhëtojnë përveçse në rast emergjence.
Në rrugën provinciale Zakynthos-Alykes, rruga u mbyll nga Mantolato e poshtë ku ka probleme, ndërsa probleme pati edhe në rrugën provinciale pranë fshatit Koukesi. Gjithashtu, rrëshqitje të vogla toke ndodhën në Lithakia. Kohërat janë të vështira në fshatin Platanos në Gytheio , një zonë për të cilën u dërgua një mesazh nga 112 të enjten pasdite./Radar.al