SPANJË– Spanja është përballur me një situatë të vështirë pas përmbytjeve të shkaktuara nga reshjet masive të shiut.
Mediat e hauaja raportojnë se si shkak i përmbytjeve kanë vdekur të paktën 200 persona. Këto përmbytje kanë gjunjëzuar mbarë vendin, ndërsa kryeministri i vendit Pedro Sanchez, nxori në terren mbi 10 mijë specialistë nga ekipet e shpëtimit dhe nga policia për të monitoruar situatën dhe për t’ju ardhur në ndihmë banorëve.
BBC raporton se më shumë se 200 banorë janë konfirmuar të vdekur nga fatkeqësia natyrore që preku Spanjën, ndërsa pritet që shifrat e viktimave të rriten në orët, apo ditët në vijim, pasi rezultojnë shumë qytetarë të zhdukur.
Rrëfimet e banorëve të prekur nga përmbytjet janë rrëqethëse
“Kam humbur gjithçka, por të paktën jam gjallë”– shprehet një banore.
Në Valencia, një pronare e një biznesi lokal është shprehur se në një moment uji që i hyri në dyqan vërshoi aq shpjet, sa që ajo mendoi se do të vdiste, pasi uji i arriti deri në qafë.
“Të paktën unë jam gjallë, por kam humbur gjithçka. Biznesi im, shtëpia ime.”-thotë Amparo Andres, e cila ka dyqanin e saj në Valencia prej 40 vitesh.
“Qeveria nuk po bën asgjë. Vetëm të rinjtë përreth po na ndihmojnë.”- tha ajo mes lotësh.
“E gjithë jeta ime, kujtimet e mia..brenda natës, gjithçka është zhdukur.”-u shpreh Juan Perez, një tjetër banor vendas/BBC/Radar.al