TIRANË– Kryeministri Edi Rama ka nisur pritjen e liderëve europianë në Sheshin Skënderbej në kuadër të Samitit të Komunitetit Politik Evropian në Tiranë.
Kaja Kallas, Shefja e diplomacisë së Bashkimit Europian ka deklaruar nga Sheshi Skënderbej në Tiranë se Shqipëria ka bërë progres të shkëlqyer me reformat dhe Unioni është serioz në qëllimin për t’u zgjeruar në kontinent e kryesisht në Ballkan.
“Po mendoj që Shqipëria po bën një progres të shkëlqyer për reformat, ne duam reformat sundimin e ligjit, ato që janë të nevojshme dhe kështu dhe për ne edhe nga ajo anë, nga ana e Europës duhen bërë hapat e duhur, ka një moment politik që të gjithë duan që procesi i zgjerimit të ndodhë, kjo nuk ka ndodhur më pare.”- tha ajo.
Teksa është pyetur për dialogun Kosovë-Serbi, shefja e diplomacisë së Unionit tha se pret normalizim të marrëdhënieve mes dy vendeve.
“Pak më parë kemi emëruar përfaqësuesin e ri të posaçëm për dialogun dhe presimnormalizimin e marrëdhënieve.”- tha Kallas.
Gjithashtu, ajo njoftoi se BE ka përgatitur paketën e 17 të sanksioneve për Rusinë, të cilët do ta shpallë dhe zbatojë së shpejti.
“E kemi paketën, gjithashtu po mendojmë për paketën tjetër, kemi sanksionet për Rusinë. Në këtë drejtim duhet të jemi të gjithë të bashkuar, sepse shohim se Rusia nuk do paqe.”-tha Kallas./Radar.al
Meloni mbërrin në Tiranë/ Rama i ulet në gjunjë homologes italiane
“Duhet armëpushim në Ukrainë”/ Meloni në Tiranë: S’kam shkuar në Gjadër, puna vazhdon