Ish-deputeti i PD Ervin Salianji ka reaguar pas refuzimit nga Gjykata Speciale të lejes për ish-presidentin e Kosovës, Hashim Thaçi, për të marrë pjesë në varrimin e babait të tij.
Salianji, i cili ndodhet pas hekurave e ka cilësuar këtë vendim si një “injorim të ligjit ndërkombëtar dhe shkelje të kodit zakonor, por thotë se Kosova ka një mënyrë për ta çuar në vend këtë padrejtësi.
Ai shkruan se arrestimi i udhëheqësve të Ushtrisë Çlirimtare të Kosovës (UÇK) dhe trajtimi i Thaçit janë një padrejtësi, jo vetëm ndaj individëve, por ndaj Kosovës në përgjithësi.
Salianji shprehet se ky akt është një përpjekje për të njollosur luftën e UÇK-së dhe lavdinë e saj, dhe se Kosova ka mundësinë të përballet me këtë padrejtësi përmes arritjeve të reja në zhvillim, integrim dhe respektimin e të drejtave të njeriut.
POSTIMI I PLOTË
Prej çlirimit të Kosovës shume perpjekje jane bërë për të goditur lavdinë e UÇK.
E gjitha ka qënë e kotë.
Çdo ditë në liri, ka treguar se lufta e UÇK ka qënë e drejtë.
Çdo sukses i Kosovës, me ecjen drejt integrimit, me konsolidimin e shtetit, i jep kredite e lavdi luftëtarëve.
Arrestimi i drejtuesve të UÇK është njē nder aktet qe kosovaret ja njohin vulen qe do te njollosë luften e tyre per liri. Po aq sa sjellja e sotme ndaj Hashim Thaçit, qe i refuzohet e drejta per te marre pjese ne ceremonine e varrimit te babës eshte brutale arbitrate e shkelje ne liri e te drejtave te njeriut.
Eshte sa injorim i ligjit nderkombetar dhe shkelje e kodit zakonor.
Asnjē gjykate me çfarëdo statusi special, nuk mund të jetë mbi vlerat humane, mbi llogjiken njerëzore.
Kjo ështē një padrejtësi ndaj Kosovës, jo thjesht ndaj një themeluesi, luftëtari.
Kosova ka një menyrë për ta çuar në vend këtë padrejtësi. Duke shenuar arritje të reja nē zhvillim, nē integrim, nē respektimin e të drejtave të njeriit, në sundimin e ligjit.
Ndersa babait të ndjerë të Hashimit jam i bindur që nuk do t’i mungojnë nderimet e respekti siç e ka nē traditë shqiptari.