Këngëtari Gjesti ka reaguar për herë të parë pas humbjes së të vëllait, duke falënderuar ndjekësit për mbështetjen e tyre dhe duke njoftuar rikthimin në muzikë.
Për një periudhë të gjatë, Gjesti ishte shkëputur jo vetëm nga muzika, por edhe nga rrjetet sociale. Sot, përmes një video-mesazhi në Instagram, ai tregoi se në janar të vitit 2026 do t’i rikthehet skenës muzikore, aty ku ndihet më shumë vetvetja.
“Përshëndetje të gjithëve. Shpresoj të jeni mirë. Ka qenë një kohë e vështirë, prandaj kam qëndruar larg rrjeteve sociale për t’u përqendruar te vetja dhe familja. Ju falënderoj që qëndruat pranë meje dhe familjes sime në këto momente. Ju keni qenë në mendjen dhe zemrën time,” tha ai.
Gjesti përshëndeti ndjekësit për Vitin e Ri dhe njoftoi rikthimin: “Dua t’iu tregoj se në vitin 2026, në janar, i kthehem muzikës, aty ku e kam vendin. Ju dua! Faleminderit shumë!”.