Ndryshime në ligj: Si do të bashkëjetojmë në pallate sipas rregullave të reja?
Ministri i Shtetit për Pushtetin Vendor, Arbjan Mazniku, ka prezantuar në “Top Story” ligjin e ri që prek drejtpërdrejt mënyrën se si jetojmë në ndërtesat kolektive. Sipas tij, rregullat e reja synojnë të sjellin më shumë qartësi dhe përgjegjësi për hapësirat e përbashkëta në pallate, si fasadat, tavanet dhe strukturat mbështetëse.
Mazniku theksoi se pas privatizimit në vitin 1992, shumë banorë blenë apartamentet, por pa e kuptuar se po bëheshin bashkëpronarë edhe të ambienteve të përbashkëta të pallatit. Kjo mungesë qartësie ka shkaktuar probleme në mirëmbajtje dhe administrim.
Me ligjin e ri, çdo bashki do të krijojë një “libër të bashkëpronësisë”, ku do të dokumentohen detyrimet dhe të drejtat e banorëve për hapësirat e përbashkëta. Mazniku tha se ndërtesat që administrohen mirë janë më të pastra, riparohen më shpesh dhe përfitojnë më lehtë nga projektet e bashkisë.