Armina Mevlani ka reaguar pas komenteve dhe aludimeve të ndjekësve për një shtatzëni të mundshme, pas vërejtjeve për ndryshime në peshën e saj trupore. Influencerja shqiptare theksoi se nuk është në pritje të ëmbël, por disa probleme shëndetësore kanë ndikuar në shtimin e peshës.
“Mënyra se si komentohet në portale është e tmerrshme. Nëse do më ndodhte, nuk do ta ndaja publikisht. Por pas gjithë këtyre reagimeve, mendova nëse vërtet duhet të jap një shpjegim”, tha Mevlani, duke kritikuar tonin invaziv të komenteve në rrjet.
Ajo shtoi se me kalimin e viteve ka arritur të mos ndikohet nga opinionet e të tjerëve. “Vjen një moment që krijon imunitet. Nuk më intereson më se çfarë thonë të tjerët”, tha Mevlani.
Prej vitesh e martuar me Shkëlzen Berishën, djalin e liderit të Partisë Demokratike, Sali Berisha, Armina Mevlani vijon të ruajë me kujdes jetën private, duke preferuar të mos e ekspozojë shumë në rrjetet sociale.