Lamine Jamal mori çmimin “Di Stefano” për lojtarin më të mirë të sezonit nga drejtori i MARCA-s. Lojtari i Barcelonës mposhti futbollistë të rëndësishëm si Mbape dhe Vinicius, madje edhe shokët e tij të ekipit si Pedri dhe Rafinja, të cilët ishin gjithashtu në garë. Pavarësisht se është vetëm 18 vjeç, lojtari i Barcelonës tashmë po grumbullon një koleksion mbresëlënës trofesh.
“Të gjitha titujt individualë tregojnë se ka qenë një sezon i shkëlqyer për ekipin. Për mua, është një burim lumturie dhe krenarie. Grumbullimi i çmimeve në moshën time është shumë pozitiv. Do të vazhdoj të punoj dhe të luftoj për të arritur gjëra të tilla”, tha lojtari i Barcelonës për MARCA-n.
Lamine është i emocionuar për rikthimin e ekipit në “Camp Nou” dhe e sheh atë sikur të ishte një nënshkrim i ri: “Tifozët janë të mëdhenj. Ne luajtëm në një stadium që nuk ishte i yni. Montjuiç ishte mirë, por nuk ishte ajo që donim. Camp Nou do të jetë një mbështetje e madhe për të gjithë dhe do të jetë një ndihmë e madhe për pjesën tjetër të sezonit.”
Një nga karakteristikat përcaktuese të Jamal është ambicia e tij. Ai dëshiron të fitojë gjithçka dhe beson se është i aftë ta bëjë këtë. Kur u pyet për Topin e Artë disa ditë më parë, ai tha mjaft natyrshëm se nuk priste të fitonte vetëm një, por disa gjatë gjithë karrierës së tij. Viti 2026 është plot sfida për lojtarin e Barçës me klubin e tij, me ekipin kombëtar dhe individualisht. Kur u pyet se çfarë dëshiron midis La Ligës, Ligës së Kampioneve, Kupës së Botës dhe Topit të Artë, ai nuk heziton aspak:
“I dua të gjitha. Shpresoj t’i fitoj të gjitha, dhe për sa kohë që mund të luajmë, është e mundur”, përfundoi Jamal./PanoramaSport