SHKODËR– Tre viktima dhe një i plagosur, ky është bilanci i atentatit të dy ditëve më parë në Shkodër.
Sot në emisionin “Me Zemër të Hapur” në ‘News 24’ është diskutuar lidhur me tragjedinë ku mbetën të vdekur Hamza Lici dhe Arlind Bushati, ndërsa aksidentalisht edhe një grua e cila ndodhej rastësisht aty, teksa po udhëtonte me bashkëshortin e saj me motor.
Motra e Flutura Bashës, ka folur duke zbuluar më shumë detaje, duke thënë se ishte fati i keq i saj.
“Fati i saj i keq. Ishte ne vendin e gabuar në kohën e gabuar. Bashkimi është shumë keq. Akoma nuk ka dalë nga gjendja e rrezikut. Më vjen keq për nënat e viktimave thash kur mora vesh për viktimat. Pastaj thanë se ishte edhe një çift, po i thoja tim shoqi mos o zot sikur ta kishim në fis. Flutura la pas dy vajza dhe një djalë. Bashkimi merrte 100 mijë lekë pension. Kishte 3-4 muaj që kishte nisur punë sanitare. Ishte e kënaqur me punën. Vendngjarja nga shtëpia e Fluturës në vijë ajrore nuk janë as nje kilometër larg. Nuk e dimë nëse po ktheheshin në shtëpi apo po shkonin për në punë. Bashkimi është ende në reanimacion, stafi i spitalit po i rri tek koka. Është në intubim, ka dëmtime gjithkund, vetëm një mrekulli mund ta shpëtojë.”– u shpreh ajo.