Ish- i dashuri i Dafina Zeqirit, Dj Geek prej kohësh thuajse ka qenë në hije, ndërsa për këngëtaren e njohur media rozë ka shkruar vazhdimisht prej muajsh nga martesa deri tek lindja.
Një ditë më parë Geek ka festuar ditën e lindjes, ndërsa ka marrë urime të shumta nga miq, kolegë dhe ndjekës në rrjete sociale. Kjo ditë e veçantë duket se ka sjellë më shumë se thjesht festime, duke hapur një kapitull të ri në jetën e tij personale.
Përpos mesazheve të pafundme që mori, një detaj i veçantë tërhoqi vëmendjen e të gjithëve. Një foto e ndarë nga ai në rrjetet sociale, ku shihej i përqafuar me një vajzë misterioze, ngriti shumë pyetje rreth jetës së tij private. Kjo foto, e cila u shpërnda gjerësisht, la të kuptohet se Dj Geek është në një lidhje dashurie.
Identiteti i vajzës mbetet i panjohur, duke shtuar edhe më shumë misterin rreth saj dhe duke rritur kuriozitetin e ndjekësve.
Dj Geek vendosi ta festojë këtë ditë të rëndësishme në një ambient të ngrohtë, pranë personit që i ka fituar zemrën, duke treguar se ndjenjat e tij janë më të rëndësishme se çdo festë e madhe./Radar.al