Inteligjenca Artificiale së fundmi na ka zbuluar konkurrencën e fortë me njeriun tashmë dhe në fushën e artit.
Një robot me Inteligjencë Artificiale,i cili quhet ‘AI-DA’ realizoi një pikturë të veçantë.
Piktura në fjalë pritet të dalë në ankand më 31 Tetor dhe mendohet se mund të arrijë një çmim shitjeje deri 180 mijë dollarë.
Piktura në shitje nga shtëpia britanike Sotheby’s përshkruan Alan Turing, matematikanin anglez dhe kriptanalist të Luftës së Dytë Botërore, i cili mbahet mend si një pionier në AI dhe shkenca kompjuterike.
Ai-Da, është një vajzë, që pikturon dhe vizaton duke përdorur kamera në sytë e saj dhe krahët robotikë. Zakonisht shfaqet e veshur me një paruke ngjyrë të zezë dhe të shkurtër./ CNN