Një ngjarje e rëndë ka ndodhur këtë pasdite në lagjen nr. 1 të qytetit të Pogradecit, ku një 43-vjeçar ka ndërruar jetë pasi është rrëzuar në banesën e tij.
Ekipi i urgjencës ka mbërritur menjëherë në vendngjarje, por për fat të keq, qytetari është konstatuar pa shenja jete.
Trupi i pajetë është dërguar në morgun e qytetit, ku do t’i nënshtrohet ekspertizës mjeko-ligjore për të përcaktuar shkakun e vdekjes.
Ndërkohë, policia ka nisur hetimet dhe po merr dëshmi nga familjarët për të sqaruar rrethanat e kësaj ngjarjeje.