Debati për gjyqin e ish-eprorëve të UÇK-së në Hagë ka ndezur tensione mbrëmjen e kësaj të enjte në emisionin “Opinion”. Gazetari Berat Buzhala dhe publicisti Albatros Rexhaj, të dy të ftuar nga Kosova, diskutuan për çështjen e gjyqit, por situata u tensionua kur debatet mes tyre u bënë të ashpra.
Në një moment, Buzhala u ngrit nga vendi i tij, shkoi drejt ulëses së Rexhajt dhe i vendosi duart në fyt, duke shkaktuar panik në studio.
“Uuu, jo jo qetësohuni!”, dëgjoheshin fjalët e moderatori i emisionit, i cili, me ndihmën e një kameramani, arriti ta largonte Buzhalën në vendin e tij dhe të qetësonte gjakrat.
Ngjarja ka shkaktuar reagime të menjëhershme në rrjetet sociale, ndërsa moderatorët dhe stafi i emisionit theksuan rëndësinë e respektimit të rregullave dhe kontrollit të emocionit gjatë debateve publike.