Gjatë ditës së sotshme është vënë në pranga shtetasi S. T., 24 vjeç, banues në Tiranë.
Dyshohet se i riu ka kanosur një 60 vjeçar me pretendimin se i moshuari i ka dëmtuar banesën.
24-vjeçari akuzohet për veprën penale “Shtrëngimi me anë të kanosjes ose dhunës për dhënien e pasurisë”.
Policia ka sekuestruar dy kaçavida të cilat iu gjetën shtetasit S. T., gjatë kontrollit fizik.
Njoftimi i Policisë
Specialistët e Sektorit për Hetimin e Krimeve të Rënda në DVP Tiranë arrestuan shtetasin S. T., 24 vjeç, banues në Tiranë, për veprën penale “Shtrëngimi me anë të kanosjes ose dhunës për dhënien e pasurisë”, parashikuar nga neni 109/b i Kodit Penal.
Ky shtetas dyshohet se, në vende dhe periudha të ndryshme kohore, ka kanosur një 60-vjeçar për dhënie pasurie, me pretendimin se ky i fundit i ka dëmtuar atij banesën.
Në cilësinë e provës materiale u sekuestruan dy mjete të mprehta (kaçavida), të cilat ju gjetën shtetasit S. T. gjatë kontrollit fizik.
Materialet i kaluan Prokurorisë.