Pasditen e sotme, një grabitje me armë zjarri ka ndodhur në një pikë karburanti në Fushë-Krujë. Sipas burimeve, një person që ndodhej në një taksi ka kërcënuar punonjësit dhe ka marrë xhiron ditore.
Burimet policore bëjnë të ditur se i riu dyshohet të ketë kryer të paktën dy grabitje të tjera në pak orë. Pas marrjes së taksisë në Tiranë, ai ka kërkuar të shkojë në Fushë-Krujë, por në afërsi të Tapizës ka kërcënuar taksistin, duke marrë drejtimin e makinës dhe duke i marrë paratë dhe celularin.
Më pas, autori ka shkuar pranë një karburanti në afërsi të Milotit, ku me armë ka grabitur xhiron ditore të punonjësve. Pas kësaj, ai ka lënë mjetin e grabitur pranë një xhamie në Fushë-Krujë dhe është zhdukur.
Policia e ka identifikuar autorin dhe po vijon kërkimet intensive për kapjen e tij.