Një ngjarje e rëndë ka tronditur opinionin publik ditën e djeshgme kur u mësua se babai i mori jetën djalit të tij.
Kujtojmë se e gjithë ngjarja e ndodhur në “Kodrat e Priftit” ndodhi për motive të dobëta.
Sakaq polciia ditën e sotme bën me dije se është vënë në pranga Hekuran Gjoni dhe është sekuestruar mjeti prerës me të cilin goditi për vdekje djalin e tij.
Njoftimi i Policisë
Goditi me një mjet prerës djalin e tij i cili për pasojë humbi jetën, Policia ve në pranga autorin.
Sekuestrohet në cilësinë e provës materiale mjeti prerës.
Specialistët për Hetimin e Krimeve të Rënda në bashkëpunim me Komisariatin e Policisë Nr. 4 bënë arrestimin në flagrancë të shtetasit H. Gj., 74 vjeç, banues në Tiranë. Arrestimi i këtij shtetasi u bë pasi mbasditen e djeshme, gjatë një konflikti të çastit për motive të dobëta, ka goditur me mjet prerës djalin e tij shtetasin A. Gj., i cili si pasojë ka humbur jetën në spital.
Materialet i kaluan Prokurorisë, për veprime të mëtejshme procedurale, për veprën penale të “Vrasjes për shkak të marrëdhënieve familjare”, në ngarkim të shtetasit H. Gj.