Pas akuzave të ngritura ndaj tij për kultivim kanabisi, aktori i njohur i humorit, Elvis Pupa, ka reaguar nsërish në lidhje me këtë situatë.
Përmes një video të publikuar në rrjet, Elvis Pupa shprehet se është rritur nga një familje tipike shqiptare ku para prindërve fëmija duhet të ulë kokën dhe nuk duhet të veprojë ose të flasë gjëra të pahijshme.
Sipas aktorit, të mundohesh të jesh perfekt është një nga gjërat që ia ndërlikon jetën njeriut. Ndonëse në shumë momente ti ke bërë gjithçka që ke patur në dorë, sërish mbase ti e mendoje se nuk je akoma aty ku duhet.
Ndërsa më tej aktori shton se sado që të bësh në këtë botë, shoqëria e sotme sërish mundohet të të shkelë me këmbë. Sado i mirë të jesh, për të tjerët nuk do jesh i mjaftueshëm.
“Të gjithë synojnë të jenë perfekt. Unë kam lindur në fund të viteve ’70 dhe të jetoje fëmijërinë tënde në vitet ’80… obobo… Gjithmonë na thonin: ‘Mos fol, ha çfarë të kemi vendosur ne përpara. Por atëhere lale, s’kishe shanse të gaboheshe, mos të guxoje të gaboheshe, sepse atëherë nuk ishe njeri, ishe turpi i familjes, turpi i fisit, turpi i shoqërisë, turpi i shkollës dhe turpi i lagjes. Si rrjedhojë, prindërit thonin: ‘Ky nuk është kalamani im. Nuk e kam edukuar kështu unë këtë.Prindërit tanë ishin perfeksionist. Ata po. Dhe jo të llojit që thjesht ta mbajnë shtëpinë pastër, se ajo dihet që kur vinin komshinjtë, vinte prova e dy gishtave, që nuk kishte laborator që ja kalonte testimit të tyre se kur ishte hera e fundit që i kishe marrë pluhurat në shtëpi. Perfeksionizimi ishte i tipit që një fjalë ta thoje gabim, prindërit nuk të flisnin me gojë një javë, madje nuk të shihnin me sy. Kalonin afër teje… Gjithmonë thoja: ‘Si ka mundësi që nuk më shkelin. Kalojnë kaq perfekt anash sikur unë nuk ekzistoj’. E kështu ti rritesh me idenë që duhet të rritesh perfekt. Duhet të ecësh siç duhet dhe të sillesh siç duhet. Në fund nuk përfundon njeri, por një robot me ankth. Perfeksionizmi nuk është virtyt. Është një helm emocional, po me emër trendi. Nuk është ambicie vëlla. Nuk është sukses, por është një zë brenda kokës që të thotë gjithmonë: ‘Ti nuk je duke bërë akoma mjaftueshëm’, pavarësisht se ti ke dhënë gjithçka, edhe shpirtin. Ironia është që prindërit tanë nuk na urrenin, e kundërta. Ata donin që ne të ishim perfekt që bota të na vlerësonte, mos të na shkelte me këmbë. Po bota prapë të shkel me këmbë dhe e bën me buzëqeshje, të shkel me klas. Nuk e them këtë për miratim, as nuk më intereson mendimi juaj, sepse jeta ime personale është personale. Nuk më keni borxh asgjë e as unë ju. Aspak!”, u shpreh Pupa në videomesazhin e tij.
Në rrjet ky reagim është marrë i nënkuptuar në lidhje me situatën e fundit të ndodhur me Elvis Pupën ku në rrjet gumëzhinë lajmet se ai së bashku me partneren e tij është përfshirë në veprimtari kriminale siç është kultivimi i kanabisit./ Radar.al
View this post on Instagram