Një 30-vjeçar shqiptar, Sajmir Beca, humbi tragjikisht jetën në Northampton, Angli, pasi u shtyp nga një kamion mbeturinash. Ngjarja e rëndë ndodhi më 31 tetor në Rrugën Wellington, ku fqinjët u zgjuan nga britma të forta në orët e para të mëngjesit.
Sajmiri po flinte brenda një koshi plehrash kur ndodhi aksidenti. Shërbimet e urgjencës e transportuan menjëherë drejt Spitalit të Coventry-t, por pavarësisht përpjekjeve mjekësore, ai ndërroi jetë më 6 nëntor.
Miqtë e tij treguan se Sajmiri kishte kërkuar më parë strehë tek të njohurit, por për shkak të mungesës së një vendi të sigurt për të fjetur, përfundoi duke qëndruar në rrugë.
Autoritetet britanike po vijojnë hetimet për të sqaruar rrethanat e plota të ngjarjes tragjike.