Egjipti më në fund është certifikuar pa malarie nga Organizata Botërore e Shëndetësisë (OBSH).
Kjo u cilësua si një arritje nga agjencia e shëndetit publik të OKB-së si “vërtet historike”.
“Malaria është po aq e vjetër sa vetë qytetërimi egjiptian, por sëmundja që pllakosi faraonët tani i përket historisë,” tha shefi i OBSH-së Tedros Adhanom Ghebreyesus.
Autoritetet egjiptiane i filluan përpjekjet e tyre të para për eliminimin e sëmundjeve infektive vdekjeprurëse të shkaktuar nga mushkonjat për gati 100 vjet.
Certifikimi jepet kur një vend provon se zinxhiri i transmetimit është ndërprerë për të paktën tre vite radhazi. Malaria vret të paktën 600,000 njerëz çdo vit, pothuajse të gjithë në Afrikë.
Përgjatë një deklarate, OBSH vlerësoi “qeverinë dhe popullin egjiptian” për përpjekjet e tyre “për t’i dhënë fund një sëmundjeje që ka qenë e pranishme në vend që nga kohërat e lashta”.
Egjipti mbetet vendi i tretë që u certifikua në Rajonin e Mesdheut Lindor të OBSH-së, pas Emirateve të Bashkuara Arabe dhe Marokut. Në nivel global, 44 vende dhe një territor kanë arritur këtë moment historik.
Por OBSH tha se certifikimi ishte vetëm “fillimi i një faze të re”, duke i kërkuar Egjiptit të jetë në gatishmëri për të ruajtur statusin e tij pa malarie. Për të marrë certifikatën e OBSH-së, një vend duhet të demonstrojë aftësinë për të parandaluar rivendosjen e transmetimit.
Agjencia e Shëndetit Publik të OKB-së tha se përpjekjet e para për të kufizuar kontaktin njeri-mushkonja në Egjipt filluan në vitet 1920 kur ndaloi kultivimin e orizit dhe kulturat bujqësore pranë shtëpive./ BBC