Gjatë mëngjesit së sotshëm punonjësit e policisë së Himarës dorëzuan objektet të cilat do shërbejnë për votimin e kryebashkiakut.
Sipas burimeve, policia gjatë ruajtjes së objekteve nuk ka hasur asnjë problem.
Falë punës dhe përkushtimit nga ana policore objektet janë dorëzuar para pak minutash të rregullta dhe punonjësit po përgatiten për hapjen e votimit.
Policia do të jetë prezente në ambiente btë caktuara, e gatshme për ndërhyrje në rastet e nevojshme.
Njoftimi i Policisë
Përfundoi në 📍Himarë, dorëzimi i objekteve të përcaktuara si Qendra Votimi, të cilat ishin marrë në ruajtje që prej mbrëmjes së djeshme.
Punonjësit e Policisë gjatë kryerjes së shërbimit për ruajtjen e Qendrave të Votimit, nuk kanë konstatuar asnjë problem.
Të gjitha objektet zgjedhore që do të shërbejnë si Qendra Votimi, të cilat ishin marrë në ruajtje nga shërbimet e Policisë janë dorëzuar në rregull dhe pa probleme mëngjesin e sotëm, nga ana e punonjësve të Policisë, dhe janë marrë në dorëzim nga komisonet përkatëse.
Punonjësit e Policisë, pas dorëzimit të qendrave të votimit janë grumbulluar në ambientet e përcaktuara për punonjësit e Policisë, ku do të qëndrojnë të gatshëm për të ndërhyrë në rast se nga ana e komisioneve të votimit kërkohet ndihma e Policisë.