TIRANË– Policia ka zbuluar detaje të reja rreth hetimeve për vrasjen e 14-vjeçarit Martin Cani pranë shkollës 9-vjeçare “Fan Noli” në Tiranë, më 18 Nëntor, nga bashkëmoshatari i tij, Mario Perlleshaj.
Burimet bëjnë me dije se grupi hetimor është rikthyer dje në vendngjarje, 3 ditë pas tragjedisë dhe ka sekuestruar kamerat e sigurisë në zonë, ku dyshohet se autori është larguar me vrap me shokët dhe kushërinjtë e tij.
Kamerat janë sekuestruar pasi dyshohet se ka pasur persona të tjerë që kanë marrë autorin dhe e kanë larguar nga vendngjarja. Theksojmë se 14-vjeçarit të dyshuar si autor i vrasjes, do t’i komunikohet masa e sigurisë në spitalin ku ai po merr ndihmë mjekësore, pasi ka lënduar dorën gjatë konfliktit./Radar.al