Pak ditë pas krimit tragjik që tronditi vendin, babai i 3 vjazave të mitura të cilat dyshohet se i vrau me duart e tij, Travis Decker, mësohet se kishte kërkuar në internet mënyra për t’u shpërngulur në Kanada.
Referuar dosjes së U.S. Marshals, e siguruar nga Fox 13 Seattle, Decker kërkoi në Google fraza si “si të shpërngulesh në Kanada” dhe më 26 maj vizitoi faqe për punësim në shtetin fqinj.
Në lidhje me rezultatet e hetimeve, autoritetet besojnë se ai ka menduar të arratiset në Kanada, pasi trupat e vajzave u gjetën pranë kufirit kanadez dhe vetëm 18 km larg nga Pacific Crest Trail, një shteg malor që të çon drejt Kanadasë.
Sakaq bëhet me dije se kërkimet për Decker vijojnë intensivisht.
Ndërsa ai është shpallur në kërkim për tre akuza për vrasje të shkallës së parë dhe një për rrëmbim, pas zhdukjes dhe më pas zbulimit të trupave të vajzave të tij, Paityn (9 vjeç), Evelyn (8) dhe Olivia (5).
Sherifi i Chelan County, Mike Morrison, tha: “Po e kërkojmë gjithandej. Ai është i rrezikshëm, sidomos për shkak të përvojës së tij ushtarake.”