KORÇË– Janë zbuluar detaje te reja sa i takon ngjarjes së rëndë në Korçë ku një 70-vjeçare u gjet e pajetë në banesën e saj.
Burimet bëjnë me dije se gruaja që ndërroi jetë është identifikuar si Bajame Memetali. Ndërsa dyshohet se e moshuara ka ndërruar jetë një ditë më parë.
Fqinja e të moshuarës thotë se 70-vjeçarja jetonte e vetme, pasi djalin e kishte në burg, ndërsa bashkëshorti i saj ka ndërruar jetë kohë më parë.
Më tej ajo rrëfen se lajmëruan policinë, pasi u shqetësuan pasi nuk e kishin parë ditën e fundit.
REAGIMI I FQINJES:
Më tha komshija ‘ta shikojmë njëherë Bajamen se s’po ndihet’. I thashë që hajde ta shikojmë, ikim bashkë. Ikëm të dyja, morëm dhe komshiun se kishim frikë, u fut ai komshiu dhe më pas ne. Ajo kishte rënë nga divani, i njoftuam të motrën i thamë që ‘hajde se ka vdekur Bajamia’. Lajmëruam edhe policinë. Ne nuk hynim e dilnim me të se ishte mistrece, derën e ka të shkallmuar, ia ka shkallmuar i biri. Jetonte vetëm, as nuk hante e pinte, nuk i dërgonte njeri ushqim. Dyshuam sepse nuk po ndihej, sepse ajo i gjuante me shkop tavanit të një komshije kur kishte nevoje për diçka. Dhe menduam të shkonim ta shikojmë, e gjetëm të vdekur. Djalin e ka në burg, ajo ishte në vështirësi ekonomike, pa ngrënë pa pirë. Ishte e sëmurë, ra nga kati i katërt dhe u paralizua. Vinte ndonjëherë e motra nga Tirana i bënte shërbim./Radar.al
Jetonte vetëm/ 70-vjeçarja gjendet e vd*kur në banesë, dyshohet se ka ndërruar jetë prej disa ditësh