Chelsea ka arritur të marrë një pikë të vlefshme në transfertë ndaj Manchester City-t, duke barazuar 1-1 në “Etihad Stadium” në kuadër të Premier League.
Ndeshja erdhi vetëm pak ditë pas shkarkimit të trajnerit Enzo Maresca, ndërsa skuadra londineze u drejtua nga Calum McFarlane, i cili debutoi me një rezultat pozitiv për “Blues”.
Manchester City kaloi në avantazh në fund të pjesës së parë, kur Tijjani Reijnders realizoi një gol të bukur me të majtën. Megjithatë, Chelsea reagoi në minutat e fundit të takimit, me Enzo Fernandez që shënoi nga afër, duke barazuar shifrat përballë skuadrës së Pep Guardiolës.
Ndeshja u mbyll me rezultatin Manchester City 1-1 Chelsea, me londinezët që largohen nga Etihad me një pikë të rëndësishme, ndërsa “Qytetarët” e shohin veten 6 pikë larg Arsenalit kryesues.
REZULTATI:
MAN. CITY 1-1 CHELSEA
Reijnders 42’ / Enzo Fernandez 90+4’
Goli i Reijnders (Video)
Goli i Enzo Fernandez (Video)