Specialistët e shëndetit publik thonë se gripi agresiv me kohëzgjatje disa ditore dhe bashkëqarkullim të dendur në popullatë po zhvendoset nga qendrat e mëdha urbane në qytetet e vogla të vendit.
Të dhënat nga qendrat shëndetësore kanë treguar se ditët e fundit kurba e infektime me infeksione të sipërme dhe të poshtme po rritet në qytetin e Lezhës, Kurbinit, Fierit dhe Gramshit.
Këtë vit gripi dhe virozat kanë qene më agresive dhe shumë të përhapura në popullatë, sipas Klannews. Sipas shifrave të ISHP, krahasuar me një vit më parë, piku i kurbës së infektive këtë dimër ka qenë 33 % më i lartë.
Grupmosha më e prekur është ajo pediatrike e ndjekur nga mosha e tretë. Deri në stabilizimin e situatës, mjekët rekomandojnë që të shmanget përdorimi i antibiotikëve pa kriter për trajtimin e gripit.