Për herë të parë pas shumë vitesh që kur lajmi qarkulloi, Grida Duma ka pranuar lidhjen intime që ka me deputetin Ervin Salianji.
Në emisionin që ajo drejton, teksa diskutimet ishin për dënimin me 1 vit burg nga Apeli, i Salianjit, ajo e quajti deputetin “bashkëudhëtari im”.
“Ervin Salianji është bashkudhëtari im”, u shpreh Grida Duma, teksa shtoi se pavarësisht këtij fakti, Ervini e ka bërë vetë rrugëtimin e tij politik dhe sot ka një identitet të ngritur ndër vite duke qenë në krye të denoncimeve të forta.
“Një zë denoncues i cili ka krijuar figurën, identitetin dhe plot lëvizje të tjera. Identitet i krijuar nëpërmjet denoncimeve, edhe atëherë kur PD që unë e njoh mirë, ka pasur dyshime nëse këto denoncime duheshin bërë”, u shpreh më tej Grida Duma.
Kujtojmë se Duma dhe Salianji janë fotografuar shpesh pranë njëri tjetrit, por asnjë herë nuk e kanë pranuar lidhjen e tyre.
Më i fundit rast ishte fotografimi i tyre në një aeroport jashtë vendit.