Moti i keq ka përfshirë së fundmi ishujt grekë duke shkaktuar kështu dëme materiale të shumta.
Në zonën e njohur si Naousa, rrugët u shndërruan në lumenj të rrëmbyeshëm duke marrë përpara dhjetëra makina të parkuara dhe çfarë do gjë tjetër duke e çuar kështu në gjirin e portit.
Për rrjedhojë gazetari Aleksandër Marku raporton se shkollat do të qëndrojnë të mbyllura sot jo vetëm në Paros, por edhe në Mykonos, Symi, Kos dhe Rodos, ndërsa para mesnatës banorët e ishujve të tjerë si Hios, Samos dhe Ikaria, u është kërkuar të kufizojnë lëvizjet.
Organet vendore kanë deklaruar se nuk ka raportime për të lënduar në këto ishuj të njohur si destinacione turistike.
Meteorologët kanë deklaruar se moti i keq me reshje dhe erëra të forta deri në 74 kilometra në orë do të vazhdojë edhe të paktën 48 orë.
Prej mëngjesit të së martës reshje shiu dhe stuhi sporadike janë regjistruar në disa qarqe të vendit, ku ato më intensive janë vërejtur në Chania të Kretës.