Ditën e djeshme Greqia miratoi zyrtarisht Strategjinë Kombëtare Hapësinore për Hapësirën Detare (NSSMS), një akt i rëndësishëm që përcakton Planifikimin Hapësinor Detar të vendit (MSP).
Media e huaj, KeepstalkingGreece, raporton se lajmi u bë publik nëpërmjet një njoftimi të ndarë nga Ministria e Jashtme Greke.
Referuar postimit, plani në fjalë paraqet një kornizë gjithëpërfshirëse për zhvillimin e një ekonomie blu dhe qarkulluese, duke respektuar mjedisin dhe duke rregulluar përdorimet e zonave detare në përputhje me direktivën evropiane 2014/89/BE dhe të drejtën ndërkombëtare.
Ky rast ngjason shumë me atë të 2022, kur anija kërkimore “Ramform Hyperion” zhvilloi kërkime për naftë në një zonë të diskutueshme pranë kufirit detar me Shqipërinë, pa patur ndonjë reagim nga autoritetet shqiptare, pavarësisht detyrimeve që përcaktohen nga Konventa për të Drejtën e Detit (UNCLOS).
Paraqitja e kufijve të tillë në dokumente zyrtare pa një marrëveshje dypalëshe ose vendim gjykate përbën shkelje të parimeve të së drejtës ndërkombëtare dhe shkakton drejtpërdrejt dëme për pozitat e Shqipërisë në proceset e ardhshme kombëtare.
Ndaj në lidhje me këtë situatë është i nevojshëm një reagim i qartë nga institucionet shqiptare përfshirë Ministrinë për Evropën dhe Punët e Jashtme.