Gjatë orëve ta para të mëngjesit të 22 Shkurtit 2006, u realizua grabitja më e jashtëzakonshme në historinë e Britaninë së Madhe ku u vodhën 53 milion stërlina nga depoja e parave të Bankës së Anglisë.
Policia mundi të rikuperojë vetëm 21 milion stërlina. 32 milion stërlina të tjera nuk u gjetën kurrë edhe sot pas 20 vitesh nga kjo ngjarje.
Në orët e para të mëngjesit të 22 shkurtit 2006 u realizua një nga grabitjet më të mëdha në historinë e Banka e Anglisë, ku nga depoja e saj u vodhën 53 milionë stërlina. Autoritetet britanike arritën të rikuperonin vetëm 21 milionë, ndërsa 32 milionë të tjera mbeten të zhdukura edhe pas dy dekadash.
Hetimet zbuluan se dy të rinj nga Tropoja, Jetmir Bucpapa dhe Ermir Hysenaj, të dy emigrantë në Britani, kishin rol kyç në realizimin e grabitjes. Gjatë procesit gjyqësor në Old Bailey, u detajuan rolet e tyre në skemën kriminale.
Sipas prokurorisë, Ermir Hysenaj ishte i punësuar në depon ku përgatiteshin paratë për t’u shpërndarë në bankomate. Ai u konsiderua si “inside man”, personi i brendshëm i grupit, ndërsa grabitja u përshkrua nga gjykatësi si e realizuar me “disiplinë ushtarake”. Hysenaj kishte filmuar me kamera të fshehtë hyrje-daljet dhe sistemet e sigurisë, si dhe kishte hartuar një plan të detajuar të objektit.
Të dhënat, sipas akuzës, iu përcollën bashkëpatriotit të tij Jetmir Bucpapa, i cili punonte si roje sigurie në zonën e Kentit dhe kishte kontakte me persona të përfshirë në krimin e organizuar.
Pas një gjyqi disa mujor, Bucpapa u dënua me burgim të përjetshëm dhe vuajti 18 vite heqje lirie, ndërsa Hysenaj u dënua me 20 vite burg. Në përfundim të dënimit, të dy u dëbuan drejt Shqipërisë.
Njëzet vite pas ngjarjes, tabloidi britanik The Sun, ka publikuar një shkrim mbi jetën e re të Bucpapës pas burgut.
Sipas artikullit, një vit pas kthimit në Shqipëri ai u martua dhe ka dy fëmijë nga kjo martesë. Megjithatë, më vonë ai është ndarë nga bashkëshortja dhe aktualisht raportohet se ka nisur një lidhje me vajzën e një biznesmeni të pasur shqiptar.
Në shkrim thuhet se, ndryshe nga imazhi i një personi të tërhequr dhe të frikësuar pas viteve të gjata në burg, Bucpapa sot shfaqet në jetën e natës në Tiranë, në krah të partneres së re, me një profil krejt tjetër nga e kaluara e tij.