Një moment i ëmbël ka rrëmbyer zemrat e publikut pasi në studion e “Ka një mesazh për ty” mbërriti Alkida, një vajzë e re e cila së shpejti pritet të bëhet nuse, e cila do të surprizojë dy gjyshërit e saj që i ftoi në emision.
Ajo ruan një marrëdhënie të veçantë me gjyshërit, Bajamen dhe Myrtezanë dhe ndien se dashuria e tyre sa vjen dhe shtohet.
Në muajin gusht, Alkida do t’I japë fund beqarisë por deri më tani ajo ka kuptuar se historia e saj e dashurisë përngjan shumë me atë të gjyshërve.
Alkida dhe bashkëshorti i thonë gjithnjë “po” njëri-tjetrit, njëjtë gjyshërit.
Sot mbesa i ka ftuar dy njerëzit e saj të zemrës në “Ka Një Mesazh Për Ty për të dëgjuar përgjigjen “po” për dëshirat e saj.
Alkida dëshiron që të jetë gjyshi ai që do ta nxjerrë nuse nga shtëpia dhe ta shoqërojë kur të hyjë në dasmë. Ndërsa më tej i kërkon që gjyshi, i cili nuk ka kërcyer kurrë, më parë, të bëjë kërcimin e parë ta bëjë me të.
Alkida: Gjyshi! Noci! Ju e dini që unë ju dua shumë! Ju kam gjyshërit më të mirë në botë! Ju dua shumë! Kam dëshirën time më të madhe që ju të jeni sa më gjatë, ta jetojmë këtë jetë sa më gjatë, bashkë me pjesëtarët e tjerë të familjes. Dua që shëndeti juaj të jetë në radhë të parë, të jeni mirë, të gëzoni siç jua do shpirti dhe xhani juaj.
Bajame: Faleminderit shumë shpirt i nënës, rrofsh! Ma plotësove ëndrrën! Nuk ma merrte mendja! Faleminderit!
Ardit Gjebrea: Tani, Alkida ka edhe një ëndërr tjetër që duam t’ia plotësojmë apo jo?
Bajame: Po tani…
Ardit Gjebrea: Do ia plotësojmë?
Bajame: Po tani ku e dimë ne çfarë është? Ia plotësojmë.
Ardit Gjebrea: Është ëndërr që plotësohet. Domethënë, ëndrra e parë e saj, është që kur të dalë nga shtëpia nuse, mos ta përcjellë babi i vet, por gjyshi.
Bajame: Po mos ki merak o shpirt.
Alkida: Gjyshi?
Ardit Gjebrea: Gjyshi, do ia plotësojmë këtë dëshirë? Je dakord?
Myrteza: Po.
Ardit Gjebrea: Iku, u krye! Dhe Alkida tha që nuk do të mërzitet babi se e di që gjyshin e kam pikë të dobët kështu që nuk mërzitet.
Bajame: Po edhe babin do ta mbajmë neve, të tre do të rrimë.
Ardit Gjebrea: Alkida ka edhe një kërkesë të fundit fare. Urdhëro Alkida, këtë mund ta shprehësh vetë.
Alkida: Gjyshi, siç e tha edhe Arditi që kur të hyj në dasmën time, dua të hyj me ty, po ashtu vallëzimin e parë dhe hapjen e dasmës dua ta bëj me ty.
Myrteza: Po! Që tani!
Ardit Gjebrea: Alkida, ishte shumë e lehtë!
Alkida: Ta dija kaq kollaj ia kisha thënë që në shtëpi!
Bajame: Apo do ta bëjmë këtu?
Ardit Gjebrea: Po për këtë jemi që ta nisim që këtu!/ tvklan.al