Gjykata e Posaçme la në burg Ligor Romaçka, Idriz Manej, Bledar Berberi dhe Mariglen Topuzi të cilët kërkuan revokimin të masës personale “Arrest në burg” me masën Detyrim për t’u paraqitur në policinë gjyqësore.
Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtari Erjon Bani, vendosi:
Vazhdimin e masës së sigurimit ”arrest në burg”, caktuar ndaj personave nën hetim Ligor Romaçka, Idriz Manej, Bledar Berberi, Mariglen Topuzi, me vendimin datë 01.10.2023 të Gjykatës së Shkallës së Parë të Juridiksionit të Përgjithshëm Elbasan.
Leart Haxhiu pak ditë më parë u nis nga Greqia në Shqipëri pasi ishte arrestuar në Janinë para disa muajsh.
Haxhiu ishte shpallur në kërkim ndërkombëtar nga Interpol Tirana, pasi Gjykata e Lushnjës, në vitin 2017, e ka dënuar me 18 vjet burgim, për veprat penale “Vrasja në rrethana të tjera cilësuese”, mbetur ne tentativë dhe “Mbajtja pa leje dhe prodhimi i armëve, armëve shpërthyese dhe i municionit”.
Gjithashtu SPAK, në vitin 2020, e ka dënuar me burgim të përjetshëm, për veprat penale “Grupi i strukturuar kriminal”, “Kryerja e veprave penale nga organizata kriminale ose grupi i strukturuar kriminal”, “Vrasja në rrethana të tjera cilësuese”, “Mbajtja pa leje dhe prodhimi i armëve, armëve shpërthyese dhe i municionit” dhe “Prishja e qetësisë publike”.