TIRANË-GJKKO-ja të mërkurën e 18 Qershorit la në fuqi masën “arrest me burg” për kryebashkiakun Erion Veliaj.
Pasi masa “arrest me burg” mbeti e pandryshuar, Veliaj ka reaguar përmes një postimi në rrjetet sociale, por këtë herë në TikTok ku shkruan se shpresën nuk e humb dhe se lutet që drejtësia të bëjë punën e saj siç duhet.
Me nota ironie, Veliaj shkruan se nuk e dinte që ishte kaq i rrezikshëm.
“Nuk po humbasim shpresën dhe po lutemi që drejtësia të bëjë punën e saj. Asnjë ndryshim në masat e arrestimit sërish. Vërtet mendoni se jam kaq i rrezikshëm? Do të ofendohesha nëse nuk do të më bëhej qejfi. Viti 2025 më bëri të ndihem si një kërcënim papritmas, po e mbaj shënim.” shkruan Veliaj./Radar.al