Gjermania ka dërguar një grup avionësh luftarakë “Eurofighter Typhoon” në Poloni, pas disa incidenteve të fundit ku Rusia ka shkelur hapësirën ajrore të NATO-s në rajonin e Baltikut dhe pas raportimeve për inkursione me dronë kamikazë. Avionët u nisën sot nga baza ajrore Norvenich, pranë Këlnit, me destinacion bazën e Malborkut, në juglindje të Gdanskut.
Forcat Ajrore Gjermane deklaruan se ky zhvendosje është pjesë e masave për forcimin e krahut lindor të aleancës. Dislokimi, i paralajmëruar që në mes të tetorit nga ministri i Mbrojtjes Boris Pistorius, do të zgjasë deri në muajin mars.
“Me këtë operacion, trupat tona po japin një kontribut të rëndësishëm për sigurinë e vijës lindore të NATO-s, krahas njësive tona të reagimit të shpejtë të pozicionuara në Rumani që prej gushtit”, u shpreh gjenerallejtënant Holger Neumann, komandant i Forcave Ajrore.
Avionët gjermanë janë vendosur edhe më herët në Malbork, gjatë muajve gusht dhe shtator. Ata shoqërohen nga rreth 150 efektivë të tjerë ushtarakë, përfshirë pilotë, teknikë, roje e personel policor ushtarak.