Gjeneva po konsiderohet si vendi i mundshëm për një samit paqeje mes Vladimir Putin dhe Volodymyr Zelensky, një iniciativë e propozuar nga presidenti francez Emmanuel Macron. Pas vizitës në Shtëpinë e Bardhë, Macron sugjeroi që takimi të mbahet në një “vend neutral, ndoshta në Zvicër – unë po shtyj për Gjenevën – ose në një tjetër shtet”, duke theksuar se kjo nuk është vetëm një hipotezë, por një vullnet i përbashkët i liderëve.
Ministri i jashtëm zviceran, Ignazio Cassis, konfirmoi mundësinë që vendi i tij të organizojë samitin, duke theksuar rolin historik të Zvicrës dhe statusin e Gjenevës si seli evropiane e OKB-së. Megjithatë, një pengesë ligjore mbetet.
Zvicra është detyruar të arrestojë Putin për shkak të urdhër-arrestit ndërkombëtar si firmëtare e Statutit të Romës. Cassis la të kuptohet se mund të gjendet një rrugëdalje përmes imunitetit të përkohshëm, për të mundësuar bisedimet e paqes.
Një samit i tillë në Gjenevë do të shënonte një hap diplomatik të madh dhe do të rikthente Zvicrën në qendër të skenës ndërkombëtare si ndërmjetëse neutrale.
Radar.al