Erica Fox, një atlete amerikane 55-vjeçare e disiplinës triatlon, është gjetur e pajetë pas disa ditësh kërkimesh intensive në brigjet e Kalifornisë. Autoritetet lokale dyshojnë se ajo u sulmua nga një peshkaqen gjatë stërvitjes në ujërat pranë Pacific Grove, në Monterey Bay.
Fox ishte shpallur e zhdukur që nga java e kaluar. Dëshmitarët raportuan se e kishin parë duke notuar kur një peshkaqen e sulmoi, dhe më pas trupi i saj nuk u gjet menjëherë. Sot, mbetjet e saj u gjetën në plazhin Davenport në Santa Cruz, rreth 15 kilometra nga vendi i ngjarjes, dhe identifikimi u bë nga babai i saj. Zyrtarisht, Zyra e Sherifit të Qarkut Santa Cruz dhe Monterey ende nuk ka konfirmuar identitetin, por afërsia me vendin e sulmit sugjeron se është Fox.
Tragjedia ndodhi më 23 dhjetor, kur një pronar varke raportoi praninë e një peshkaqeni rreth 100 metra larg, duke shkaktuar mbylljen e plazhit dhe nisjen e operacionit të kërkimit. Ekipet përdorën anije, helikopterë dhe zhytës, por kërkimi u ndërpre pas 15 orësh, për të rifilluar më pas nga ekipet e sherifit dhe organizata private si Bedrock Ocean Exploration dhe Angel’s Recovery Dive Team.
Remains of missing triathlete found in Santa Cruz after shark spotted with human body in its mouth https://t.co/lS3xdOmjps pic.twitter.com/MHVUPLgJht
— New York Post (@nypost) December 29, 2025
Fox ishte pjesë e një grupi stërvitjeje, duke përfshirë bashkëshortin e saj prej 30 vitesh, Jean-François Vanreuzel. Miqtë dhe familja e përshkruan si një person të gjallë, të lumtur dhe të njohur me rreziqet e oqeanit. Ajo kishte garuar për 20 vjet në gara Ironman dhe evente të tjera dhe kohët e fundit kishte marrë pjesë në një seminar për të mësuar më shumë rreth peshkaqenëve të mëdhenj.
Në vitin 2013, Fox kishte postuar në Facebook një foto të një peshkaqeni pranë një zhytësi, duke shkruar: “Kjo është kafsha më e rrezikshme në planet dhe një peshkaqen po noton qetësisht pranë saj”.
A poem I wrote today for fellow Monterey Bay swimmer, Erica Fox.
I‘m not a Kelp Krawler but revere how much she loved the bay.
When a picture of slain model, Dorothy Stratten came up on my feed today, I mentioned to @IanKeithMcDowel some thoughts which became the poem below. pic.twitter.com/VjxhbwVmRu
— Super Amanda® #ShineOnMax (@TheSuperAmanda) December 23, 2025