Një ngjarje e rëndë është zbuluar këtë pasdite në fshatin Shtikë të Kolonjës, ku është gjetur trupi i dekompozuar i një personi pranë stacionit elektrik.
Sipas policisë, trupi dyshohet të jetë i një mashkulli dhe mund të ketë qëndruar në atë zonë për rreth gjashtë muaj. Nga këqyrja paraprake nuk janë konstatuar shenja dhune apo dëmtime të shkaktuara nga faktorë të jashtëm.
Grupi hetimor ndodhet në vendngjarje dhe po punon për të identifikuar viktimën, përcaktuar shkakun e vdekjes dhe zbardhur rrethanat e ngjarjes. Hetimet vijojnë.