TIRANË– Partia Socialiste do të zhvillojë këtë të premte edhe mblljen e fushatës elektorale, por ndryshe nga herë të tjerë ka një sepcifikë të veçantë. Kjo pasi sheshet kryesore të kryeqytetit nuk do të jenë të aksesueshme për partitë politike, për shkak të dy aktiviteteve madhore që po zhvillohen paralelisht.
Sheshi Skënderbej do të presë një etapë të veçantë të ngjarjes prestigjioze sportive Giro d’Italia, që këtë vit përfshin edhe Tiranën në itinerarin e saj. Për pasojë, partitë kryesore kanë zgjedhur vende alternative për organizimin e mitingjeve përmbyllëse.
Partia Socialiste do të mbyllë fushatën elektorale të premten në orën 19:00 në fushën pranë Parkut Olimpik në zonën e Komunës së Parisit, ndërsa demokratët, të cilët e nisën fushatën nga sheshi Nënë Tereza, do ta përmbyllin atë te Bulevardi i Ri pranë ish-Stacionit të Trenit.
Socialistët e nisën zyrtarisht fushatën më 12 prill nga sheshi Skëndërbej, në një aktivitet festiv të shoqëruar me këngë dhe valle.
Pas përmbylljes së aktiviteteve politike, e shtuna do t’i përkasë heshtjes zgjedhore, një ditë reflektimi për qytetarët, përpara se të dielën më 11 Maj të votojnë për përfaqësuesit e tyre dhe për drejtimin që do të marrë vendi në vitet e ardhshme./Radar.al
“Këneta flet shumë”/Rama: Do të ndryshojmë bonusin e bebes, mbështetje financiare çdo muaj
“Rama ik”/ Kryeministrit i ndërpresin fjalimin në Krujë: Vdeksha për ty, rrofsh o hudhër