Fatma Haxhialiu, gazetarja e mirënjohur para ca ditësh bëri publike lajmin e gëzueshëm të shtatzënisë dhe tashmë mësohet se ajo është në muajin e gjashtë.
Zgjedhja e Fatmës mesa duket ishte ta mbante lajmin e fshehtë, duke mos lënë hapësira dyshimi as nëpër rrjetet sociale pasi ajo mbetet një tip që nuk e shfaq nëpër rrjet jetën e saj personale.
Por intervista me Aulona Mustën “e detyroi” atë të na i zbulonte të gjitha.
Përgjatë intevristës ajo shprehet se djali, Kian ishte shtysa më e madhe e shtazënisë.
“Mami do të vijë një beb, kur do të vijë bebi, dua një beb” ishin fraza aq të shpeshta prej tij dhe të shprehura si kurrë më parë.
Më tej Fatma shton: “ Ishim në Turqi me miqtë tanë dhe ka ndodhur një gjë shumë e habitshme. Ne sa kemi vajtur ditën e parë, jemi futur në pishinë dhe Kian vjen dhe më puth barkun, kështu nga hiçi. Thjesht më shtrëngon, afrohet te barku dhe më puth barkun. I them unë, Kian, se unë nuk e dija ndërkohë por që isha shtatzënë. Çfarë është moj mama dhe e përqafoj, ‘putha një çik bebin’ dhe ne po qeshnim. Ka qenë një nga ato momente që mua më është fiksuar dhe sa e habitshme sepse vërtet thonë që fëmijët kanë një shqisë më shumë, ca gjëra sikur i parandiejnë, i dinë para nesh”.
Kjo më pas u pasua edhe me vonesën e ciklit, të përzierave që po ndiente dhe mungesën e nepsit të përhershëm të ëmbëlsirave.
Me rikthimin në Shqipëri, testi i shtatzënisë ishte “puna” e parë që mori në dorë.
Fatma Haxhialiu: Sa erdhëm, sigurisht, i them ik në farmaci direkt, na merr testin. Nuk kishte nga këto që i bëra një kordele, ishte ‘më duket se jam, por s’e shikoj mirë’.
-Ishte aty Pepi?
Fatma Haxhialiu: Ishte aty. Dal bashkë me testin dhe i them hë mo është apo s’është sepse ngaqë isha në ditët e para ishte akoma vija jo qartësisht e kuqe. “Edhe jemi, edhe s’jemi”. Ia dërgova doktoreshës dhe tha besoj që je, duhet të vish për kontroll, shkuam e konfirmuam dhe ishim.
LEXO EDHE:
Gazetarja e mirënjohur në një pritje të ëmbël, së shpejti nënë për herë të dytë