MILANO– Një shtetas shqiptar ka përfunduar nën prangat e policisë italiane pasi është ndaluar nga policia italiane në autostradën Melegnano, në afërsi të Milanos, për shkak se në automjetin e tij u zbuluan 10 kilogramë heroinë.
Bazuar në atë që raportojnë mediat e shtetit fqinj 40-vjeçari shqiptar po udhëtonte bashkë me familjen, ndërsa droga ishte e fshehur në mënyrë të sofistikuar nën sediljen e fëmijës.
Gjatë një kontrolli rutinë nga autoritetet, lënda narkotike u zbulua dhe u sekuestrua menjëherë. 40-vjeçari u arrestua në vend dhe u shoqërua në komisariat për procedurat e mëtejshme ligjore./TICINONOTIZIE/ Radar.al