Një foto e realizuar në Hungari po bën namin në rrjetet sociale, duke tërhequr vëmendjen e mijëra përdoruesve në mbarë botën.
Në imazh shihen disa policë të shtrirë në trotuar, të pozicionuar në mënyrë strategjike për të ngadalësuar kalimin e skuterëve elektrikë dhe mjeteve të tjera të vogla që lëvizin me shpejtësi të lartë.
Kjo masë kreative ka si synim të frenojë sjelljet e rrezikshme të të ashtuquajturve “kamikazë” të skuterëve elektrikë, të cilët shpesh udhëtojnë në mënyrë të pamatur, duke rrezikuar veten dhe të tjerët.
Shembulli i Hungarisë ka hapur diskutime edhe në Kosovë, ku shumë qytetarë mendojnë se një strategji e ngjashme do të ishte tepër e dobishme për rritjen e sigurisë rrugore dhe parandalimin e aksidenteve. Një ide ndryshe, e thjeshtë dhe potencialisht shpëtuese e jetëve!