Gjatë Korrikut, në Shqipëri sipas të dhënave të publikuara nga INSTAT rezulton se ka patur më shumë turistë të huaj, krahasuar me të njëjtin muaj të vitit 2023.
Shifrat e INSTAT tregojnë për një rritje me 2.7% të hyrjeve në vend, ndërsa qëllimi kryesor pse të huajt vijnë në Shqipëri mësohet se është për të kaluar pushimet.
Ndërsa shqiptarët kthehen për të vizituar të afërmit.
Po ashtu, në muajin që lamë pas, një rritje të ndjeshme me 60% kanë pësuar hyrjet e të huajve për qëllime biznesi.
Nga ana tjetër, INSTAT raporton se në Korrik pati më shumë dalje nga vendi, tregues që është rritur me 10.2%, në raport me të njëjtin muaj të një viti më parë.