Ndeshja mes Meksikës dhe Anglisë do të zhvillohet sipas kalendarit të parashikuar, në orën 02:00 me orën lokale, në natën mes së dielës dhe së hënës.
Pavarësisht shqetësimeve të ngritura ditët e fundit për kushte të mundshme atmosferike të pafavorshme dhe stuhi të forta, FIFA ka vendosur të mos ndryshojë orarin e sfidës.
Sipas raportimeve, federata ndërkombëtare ka refuzuar kërkesat për shtyrje ose ndryshim të orarit, duke i qëndruar planit fillestar të garës.
Më herët ishte përfolur mundësia që takimi të zhvendosej rreth gjashtë orë më herët për arsye sigurie, por ky skenar u hodh poshtë pas vlerësimeve të fundit mbi situatën meteorologjike.
Kështu, Meksika dhe Anglia do të zbresin në fushë sipas orarit zyrtar, ndërsa mbetet për t’u parë nëse kushtet e motit do të ndikojnë në zhvillimin normal të ndeshjes.