FIER– Ngjarja e rëndë në Fier ku e bija vret me tel babanë ka tronditur opinionin publik. Sa i takon këtij rasti në një prononcim për Top Channel, kunata e Anesti Ramës ka zbuluar detaje nga marrëdhënia e viktimës me gruan dhe vajzën që i morën jetën.
Ajo thotë se viktima punonte, por paratë i merrnin gruaja dhe vajza, pasi ai nuk i njihte paratë. Për vajzën e të 56-vjeçarit, Emanilda Rama, tha se nuk e njihte shumë, ndërsa për Valbona Rama (gruaja e viktimës), tha se e linte në dhomë më vete.
“Në dijeninë time… si të tërë që kanë probleme në shtëpi. Kishin probleme, se tani çiftet kanë problem. Çupën s’e njoh mirë se kam qenë në Greqi. Ai punonte, por nuk i njihte lekët. Lekët e atij i merrnin vajza dhe gruaja. Ai nuk shikonte lekë me sy, se sa lekë kishte. Jetonin në bashkë në shtëpi, por në dhomë më vete. Nuk kishin marrëdhënie si burrë e grua. Për çupën s’kam çfarë të them… kam qenë e ikur (jetonte në Greqi). Në fillim mora vesh që i ranë infarkt, pastaj thanë që e kanë bërë ato. Thashë me vete që s’ma merr mendja që e kanë bërë ato. Viktima nuk e meritonte këtë fund.”-deklaroi ajo./Radar.al
Vr*sja e kryefamiljarit/ Fqinji: E trajtonin shumë keq, prej 20 vitesh gruaja nuk flinte me të