Avokati i reperit Sean “Diddy” Combs, Marc Agnifilo, është përpjekur të shpjegojë pse klienti i tij mbante plot 1,000 shishe me vaj bebi (që përdoret edhe si lubrifikant) në shtëpinë e tij.
Ato u gjetën teksa policia bastisi shtëpitë e tij në Los Angeles dhe Miami.
“Nuk e di se nga doli ky numër. S’e imagjinoj dot të jenë 1,000. Nuk jam i sigurt nëse vaji i bebit lidhet me diçka”, u shpreh ai për TMZ, për dokumentarin “The Doënfall of Diddy: The Indictment”.
Agnifilo, kur e mori vesh se supozohej nga policët se vaji i bebit përdorej si “lubrikikant për orgji”, avokati u shpreh: “Supozoj. Nuk e di nëse duhen mijëra, një shishe me vaj bebi shkon për shumë gjatë”.
Më tej, ai e justifikoi prezencën e një numri kaq të madh shishesh me hipotezën se reperi mund t’i ketë blerë ato me shumicë.
Më tej, shtoi: “Dua të them, ai ka shtëpi të madhe. Ai blen gjëra në sasi të mëdha. Besoj se ka Costco (filial ku blihen sende të ndryshme) kudo ku ai ka një shtëpi”. Megjithatë, sigurisht, nuk duket shumë deklaratë bindëse.
Në padinë me 14 faqe, e cila u paraqit për çështjen e “Diddy-t”, agjentët federalë thonë se kanë gjetur një sasi shumë të madh vaji bebi dhe lubrifikantësh në shtëpitë e reperit.
Autoritetet supozojnë se këto sasi janë përdorur në festat e çmendura të seksit, të mbushura me drogë dhe alkool të Combs.