Reperi Fero ka reaguar me tone të ashpra ndaj akuzave të ish-bashkëshortes së tij, Arbenita Ismajlit, e cila e ka akuzuar për dhunë, tradhti dhe përfshirje në trafik droge.
Përmes një postimi në rrjete sociale, Fero i ka cilësuar deklaratat e modeles si “akuza të rreme” dhe ka paralajmëruar se do ta ndjekë ligjërisht për shpifje:
“Tre vite më vonë tani zgjohesh me akuza të rreme? Kush të ka mësuar të shkruash? As të shkruash nuk di, je analfabete. Mos harro, famën që ke marrë e ke prej meje… Për shpifjet, do të merret gjykata me ty. Ti je në arrati, jo unë.”
Nga ana e saj, Arbenita Ismajli ka publikuar një rrëfim të gjatë dhe emocional në rrjete sociale, duke përshkruar dhunë fizike dhe psikologjike, tradhti të përsëritura, abuzim me lëndë narkotike, mungesë mbështetjeje financiare nga Fero për vajzën e tyre të mitur, si dhe manipulime dhe presione të vazhdueshme ndaj saj dhe familjes së saj.
Çifti, i divorcuar zyrtarisht, vazhdon të ketë tensione publike, ndërsa të dy kanë shprehur qëndrime të kundërta për kujdestarinë dhe përkujdesjen ndaj vajzës së tyre, Nina.