Kreu i Partisë Republikane, Fatmir Mediu, konfirmoi se do të marrë pjesë në protestën mbarëkombëtare për ish-krerët e UÇK-së që zhvillohet të premten në Tiranë në orën 17:00, duke theksuar se do të jetë aty si qytetar dhe jo si përfaqësues partie.
Deklarata e tij vjen pas vendimit të Partisë Demokratike për të mos marrë pjesë, për shkak të pranisë së kryeministrit Edi Rama. Mediu theksoi se mbështetja për UÇK-në është mbi çdo interes politik.
“Nuk të pyes ty, Taulant, dhe s’pres ftesë nga ty. Unë do të jem aty ku është Kosova. Do të jem në protestë si qytetar”, tha Mediu, duke i bërë të qartë se qëndrimi i tij është i pavarur nga politika e partive.