Etapa e tretë dhe e fundit e garës ndërkombëtare të çiklizmit “Giro d’Italia 2025” që zhvillohet në territorin shqiptar, do të përmbyllet nesër në qytetin e Vlorës. Gara do të nisë nga Lungomare rreth orës 13:15 dhe përfundon rreth orës 17:26 në rrugën “Sadik Zotaj”.
Për garantimin e sigurisë dhe mbarëvajtjes së garës, Policia e Vlorës ka njoftuar një sërë ndalesash të qarkullimit dhe parkimit, që fillojnë që sot, më 10 maj, dhe zgjasin deri në orën 23:00 të datës 11 maj. Ndalesat prekin akset kryesore të qytetit si Lungomare, rruga “Veledin Kollozi”, “Demokracia”, “Aleksandër Moisiu”, “Ismail Qemali”, dhe disa segmente rrugore ndërurbane drejt Kotës, Qeparos, Llogarasë e Himarës.
Për rastet emergjente, Policia ka garantuar akses të veçantë për në Spitalin Rajonal të Vlorës dhe Portin, ndërsa është planifikuar edhe devijimi i trafikut në rrugë dytësore si “Pelivan Leskaj”, “Gjergj Kastrioti”, “Pilo Begaj” dhe të tjera.
Automjetet që shkelin ndalimet do të largohen me karotrec dhe do të dërgohen në vendbazimin tek ish-fusha e aviacionit.
Autoritetet u bëjnë thirrje qytetarëve për mirëkuptim dhe bashkëpunim, pasi këto masa janë të përkohshme dhe në funksion të sigurisë publike e promovimit ndërkombëtar të qytetit.
Policia informoi qytetarët mbi kufizimet e mëposhtme:
Ndalim parkimi dhe çdo lloj aktiviteti në Sheshin e Madh (fillimi i Lungomares), nga ora 15:00 e datës 10.05.2025 deri në ora 18:00 e datës 11.05.2025 (përfshirë zonën e diskut).
Ndalim parkimi dhe qëndrimi i mjeteve në aksin Sheshi i Madh – kryqëzimi i rrugës “Shaban Demiraj”, nga ora 05:00 e datës 10.05.2025 deri në orën 15:00, të datës 11.05.2025.
Ndalim qarkullimi në po të njëjtin segment, nga ora 07:00 – 14:15 të datës 11.05.2025.
Devijimi i trafikut bëhet në rrugën “Pelivan Leskaj”.
Ndalim parkimi në fushën para Shkollës së Marinës, nga ora 15:00 e datës 10.05.2025 deri në ora 17:00, datë 11.05.2025.
Ndalim parkimi në rrugën “Reshat Osmani”, nga ora 15:00 e datës 10.05.2025 deri në ora 18:00, datë 11.05.2025.
Ndalim parkimi në rrugën “Veledin Kollozi”, nga ora 14:00 e datës 10.05.2025 deri në ora 23:00, datë 11.05.2025.
Ndalim qarkullimi në të njëjtin aks, nga ora 19:00 e datës 10.05.2025 deri në ora 23:00, datë 11.05.2025.
Devijimi i trafikut bëhet në Bulevard dhe në rrugën “Gjergj Kastrioti”.
Ndalim parkimi në aksin “Rrethi i Skelës – Kryqëzimi i rrugës Aleksandria”, nga ora 14:00 e datës 10.05.2025 deri në ora 23:00, datë 11.05.2025.
Ndalim qarkullimi në të njëjtin aks, nga ora 19:00, datë 10.05.2025, deri në 23:00, datë 11.05.2025.
Devijimi i trafikut bëhet në rrugët “Kosova” dhe “Perlat Rexhepi”.
Ndalim parkimi në rrugën “Hajredin Haxhiraj”, segmenti kryqëzimi i rrugës “Onufri” – kryqëzimi i Bulevardit, nga ora 22:00 e datës 10.05.2025 deri në ora 23:00, datë 11.05.2025.
Ndalim qarkullimi në të njëjtin segment nga ora 05:00, datë 11.05.2025 deri në 23:00.
Devijimi i trafikut bëhet në Bulevard, në rrugën “Pilo Begaj” dhe “Fiqirete Musta”.
Ndalim parkimi në rrugët “Veledin Kollozi” (segmenti Big Market – Alsa), në rrugën “Mustafa Bello” dhe “Laze Malo”, nga ora 20:00, datë 10.05.2025, deri në ora 23:00, datë 11.05.2025.
Ndalim qarkullimi në këto segmente nga ora 22:00, datë 10.05.2025, deri në ora 23:00, datë 11.05.2025.
Bllokim akseve rrugore “Aleksandër Moisiu” – Bulevardi “Ismail Qemali” – Rruga “Demokracia” – Rruga “Arben Zylyftari”
Ora 05:00 – 10:00, datë 11.05.2025.
Devijimi i trafikut bëhet në Bulevard, në rrugën “Pilo Begaj” dhe “Fiqirete Musta”.
Ndalim parkimi në kryqëzimin e rrugës “Kosova” deri te Hotel Regina Garden dhe në Sheshin “Ismail Qemali”, nga ora 14:00, e datës 10.05.2025, deri në ora 23:00, e datës 11.05.2025.
Ndalim qarkullimi në këto segmente nga ora 18:00, datë 10.05.2025 deri në ora 23:00, të datës 11.05.2025.
Ndalim parkimi në rrugën “Sulejman Delvina” (segmenti Poliklinika – Dega Ushtarake), si dhe në territorin e Fakultetit të Shkencave Humane (konviktet), nga ora 14:00, datë 10.05.2025, deri në ora 23:00, datë 11.05.2025.
Policia thekson se lejohet qarkullimi i mjeteve të emergjencës dhe Policisë së Shtetit.
Akses i garantuar për raste emergjente
Porti i Vlorës – Qarkullimi do të realizohet nëpërmjet rrugës Transballkanike, pa ndërprerje.
Spitali Rajonal Vlorë – Gjatë orës 11:00 – 13:30, hyrja do të mundësohet përmes këtyre akseve:
Transballkanike – Shtëpia e Oficerëve – Kapelja – Spitali
Pusi i Mezinit – Rruga e Re – Kapelja – Spitali
Uji i Ftohtë – Centrale – Fabrika e Çimentos – Kuzumbaba – Bashkia – Spitali
Bllokimi i akseve interurbane – datë 11.05.2025:
Vlorë – fshatrat e lumit të Vlorës
Ndalohet qarkullimi nga ora 11:00 deri në orën 14:30
Qeparo – Vlorë / fshatrat e lumit të Vlorës
Ndalohet qarkullimi nga ora 10:30 deri në orën 15:45
Vlorë – Himarë (deri në Qeparo)
Ndalohet qarkullimi nga ora 12:30 deri në orën 17:30
Qeparo – Himarë – Vlorë
Ndalohet qarkullimi nga ora 13:30 deri në orën 16:00
Të gjitha automjetet që do të jenë të parkuara në kundërshtim me masat e shpallura, dhe që nuk do të largohen nga vetë drejtuesit, do të transportohen me shërbimin e karotrecit, në përputhje me ligjin dhe për garantimin e sigurisë.
Vendbazimi i mjeteve të lëvizura nga shërbimi i karotrecit, nëse do të ketë gjatë këtij procesi, do të jetë tek ish-fusha e aviacionit.
Lutemi qytetarëve dhe drejtuesve të mjeteve për mirëkuptim dhe bashkëpunim. Këto masa janë të përkohshme dhe në funksion të sigurisë publike dhe organizimit të aktivitetit ndërkombëtar.
