Sulmuesi i Kombëtares, Ernest Muçi, po kalon një periudhë të artë dhe këtë e tregoi sërish në fitoren e Trabzonspor ndaj Goztepe-s, ku protagonist absolut ishte me një dopietë në transfertë.
Muçi zhbllokoi ndeshjen menjëherë në fillim të pjesës së dytë, në minutën e 46’, duke finalizuar një aksion personal dhe duke e mposhtur portierin vendas me një goditje të saktë.
(Shiko golin e parë këtu)
Në minutën e 76’, talenti kuqezi goditi për herë të dytë, duke dyfishuar rezultatin dhe duke vulosur një paraqitje të jashtëzakonshme në këtë përballje.
(Shiko golin e dytë këtu)
Me këtë dopietë, Muçi arrin në pesë gola në tre ndeshjet e fundit, duke konfirmuar rikthimin e tij të fuqishëm në formën më të mirë. Performanca e shkëlqyer e sulmuesit shqiptar është një sinjal i fortë edhe për trajnerin Sylvinho, të cilit i kujton se është më shumë se gati për një rikthim në Kombëtare.